نام ِاحمد قلم سے ہوا کیا ادا
روشنی چھا گئی،
ظلمتیں چھٹ گئیں،
قلبِ مضطر کو تسکیں ملی
پھول کھلنے لگے،
زخم سلنے لگے،
داغ دُھلنے لگے،
مجھ کو ذوقِ سخن مل گیا
سچ تو یہ ہے کہ میری سبھی شاعری،
میرا فن ِ سخن،
میرے الفاظ وحرف،
لفظ کو خوں کا قطرہ بنانے کا فن،
حرف میں دردِ دل گھولنے کا عمل،
آپ کے خوب صورت ،
فصاحت، بلاغت سے پرُ
نام کے سامنے کچھ نہیں
نام ِ احمد کی عظمت ہو کیوں کر
بیاں
میری الفت میں حدت نہیں،
میری چاہت میں سکت نہیں،
میں تو کچھ بھی نہیں
شاعر: نعیم الرحمان شائق
No comments:
Post a Comment